Journey of Hope en Suid-Kaap se Vroue van Staal
HARTE POMP PIENK
Die Suid-Kaap se brose rose met staal in hul pype. Dit sit nie in elkeen se broek om die langpad van meer as 2 200 kilometer op 'n ysterperd aan te durf nie, maar hierdie vyf borskanker-oorwinnaars het dit gedoen. Na vier dae in die saal en meer as 1 000 km agter die blad, kon hulle nog glimlag. Hier is hulle by hul gastehuis in Augrabies voordat hulle na Upington toe vertrek het. Van links is Amy Jansen, Magda Geldenhuys (albei van Mosselbaai), Adri van Niewenhuysen (George), Frieda Henning (George) en Elsje de Swart, almal van George.
Dan Singh oud burgemeester van van Port Nolloth skud sy sak vir Kanker
AUGRABIES — Niemand betaal R10 000 vir ‘n wit beertjie met ‘n paar houers
lekkerruik- en skoonheidsprodukte nie – tensy hul koppe raas of hul bloed
pienk is nie. Op Port Nolloth het ‘n oud-burgmeester en sakeman, Dan Singh,
tydens ‘n veiling sy sak behoorlik geskud en ‘n hele R10 000 tot die Journey
of Hope se fondsinsameling bygedra.
Wikus Burger – koop2 bottels wyn vir R2500.00
Nog ‘n inwoner, mnr Wikus Burger het R2 500 vir twee bottels wyn wat deur
die motorfietsvroue geteken is, betaal. Die aand se veiling het altesaam R26
400 ingebring.
2200km van Kaapstad Waterfront tot by morningside winkelkompleks in Rivonia op Motorfiets vir borskanker
En dit is die manier waarop die gemeenskappe hul harte oopmaak vir die 18
vroue wat borskanker oorleef het en wat tans besig is met die Clicks Journey
of Hope, wat verlede Saterdag by die Waterfront in Kaapstad begin het. Na
meer as 2 200 km sal die vroue Saterdag om 13:30 by die Morningside
winkelkompleks in Rivonia aankom.
Die doel met die rit op die kragtige Harley Davidson motorfietse is
tweerlei: enersyds is dit ‘n bewusmakingsveldtog om te bewys dat indien jy
borskanker vroegtydig opspoor, daar ‘n 95% kans op oorlewing is – en hierdie
vroue is almal lopende getuienis daarvan! Die tweede been is die
fondsinsamelingsbeen wat ingestel is om vroue wat dit nie kan bekostig om na
‘n borsverwydering, rekonstruktiewe snykunde te ondergaan nie, te help.
Die rit se roee is langs die Weskus en dan die Noord-Kaap tot in Gauteng.
Weskus gemeenskapondersteun Journey of Hope heelhartig
Oral langs die Weskus op het die mense se warm harte met die hoe temperature van meer as 40 grade gekompeteer. Elke gemeenskap wou die vroue groter en beter van hul ondersteuning oortuig en oral waar die brul van die motorfietse gehoor is, was die skares daar.
Vanjaar se Journey het ook ten doel om veral die vroue en kinders in afgelee
plekke in kontak te bring met oorlewendes. Die vroue besoek dan ook op elke
dorp die skole en verduidelik – en demonstreer- hoe elke meisie haar eie
borste moet ondersoek om sodoende te verseker dat enige abnormaliteit
vroegtydig opgespoor kan word.
Die lang pad en hoe temperatuur bied groot uitdagings vir die ryers en Jani
du Plessis het Dinsdagaand by Augrabies vir die inwoners vertel dat daar
beslis twee kante aan die rit is: die een waar almal jou sien glimlag en
dink jy is baie “cool” en die ander een waar net jy en jou valhelm weet wat
in jou kop aangaan.
